ಮೊದಲು ಬೇಸಿಕ್ ಕಲಿಯಿರಿ...Part 6

     ಈ ಲೇಖನವನ್ನು ಓದಿದ ನಂತರ ಈ ಕೆಳಗಿನ ಅನುಮಾನಗಳು ಹೋಗಿ,  ರಕ್ತದ ವಿಚಾರದಲ್ಲಿ ಸ್ಪಟಿಕ ಸ್ಪಷ್ಟರಾಗಿರಬೇಕು.
1) Blood clotting
2) Agglutination
3) Antibody Antigen reaction
       Blood clotting ಮತ್ತೆ Agglutination ಎರಡೂ ಬಹಳಷ್ಟು ಭಿನ್ನವಾಗಿದೆ. ನೀವು ತರಕಾರಿ ಹೆಚ್ಚಲು ಹೋಗಿ ಚಾಕುವಿನಿಂದ ಕೈ ಬೆರಳನ್ನು ಗಾಯ ಮಾಡಿಯೇ ಬಿಟ್ಟಿರಿ! ಸ್ವಲ್ಪ ಸಮಯ ರಕ್ತ ಹೊರಗೆ ದರದರನೆ ಹರಿಯಿತು. ಅನಂತರ ಅಲ್ಲಿ ರಕ್ತ ಮಂದವಾಗಿ ಲೀಕ್ ಆಗುದು block ಆಯಿತು. ಇದು clotting process.

    ಮತ್ತೊಂದು ಸನ್ನಿವೇಶ. ಒಬ್ಬ ವ್ಯಕ್ತಿಗೆ ರಕ್ತದ ಅವಶ್ಯಕತೆಯಿರುತ್ತದೆ. "ನಾನೇ ಬ್ಲಡ್ ಕೊಡ್ತೆನೆ ಸರ್. ಎಷ್ಟ್ ಬೇಕಾದ್ರೂ ತೆಗೊಳ್ಳಿ" ಎಂದು ಸಿನಿಮೀಯ ರೀತಿಯಲ್ಲಿ ನೀವು ರಕ್ತದಾನ ಮಾಡಲು ಮುಂದಾಗುವಿರಿ. ದುರಾದೃಷ್ಟವೋ ಏನೂ? ಆತನದ್ದು A- , ನೀವು ಸದಾ B+ !! ಮುಗಿಯಿತು ಕಥೆ. ಇಲ್ಲಿ ನಿಮ್ಮ ಹಾಗೂ ಆತನ ನೆತ್ತರಿನ ನಡುವೆ ಒಂದು Reaction ಆಗ್ತದೆ. ಅದನ್ನು ನಾವು Agglutination ಎಂದು ಕರೆಯುವುದು.
   ಇದೀಗ compare ಮಾಡಿ. Clotting ನಿಮ್ಮನ್ನು ಬದುಕಿಸಲು ಇರುವ protective mechanism. Agglutination ಒಂಥರಾ ಯಮ ಇದ್ದ ಹಾಗೆ!! Agglutination ಆಗ್ಲಿಕೆ ಕಾರಣ antigen antibody reaction. ಏನಿದು antigen? ಏನ್ ಸ್ವಾಮಿ antibody ಅಂದ್ರೆ? ಎಲ್ಲವನ್ನೂ ಡೀಟೇಲ್ ಆಗಿ ನೋಡೋಣ....

      Blood ಲ್ಲಿ 4 components ಇದೆ
*RBC
*WBC
*Platelets
* plasma
   
    Antigen ಅಂದರೆ RBC ಯ surfaceಲ್ಲಿರುವ ಒಂದು chemical compound . Antibody ಅಂದರೆ plasma ದಲ್ಲಿರುವ protein. Blood group ಇವುಗಳ ಆಧಾರದ ಮೇಲೆಯೇ ಮಾಡಿದ್ದು....
ಯಾರ  RBCಗಳಲ್ಲಿ antigen A ಇದೆಯೋ, ಅವರದ್ದು A blood group. ಅವರ  plasmaದಲ್ಲಿ antibody A ಇರುದಿಲ್ಲ ಬದಲಾಗಿ antibody B ಇರುತ್ತದೆ. ಒಬ್ಬಂದು blood group B ಆದ್ರೆ ,ಅವನ RBC ಯಲ್ಲಿ antigen B   ಇರುತ್ತದೆ. ಆದರೆ antibody A ಮಾತ್ರ ಇರುತ್ತದೆ.  O blood groupಲ್ಲಿ antigen ಯಾವ್ದೂ ಇಲ್ಲ. antibody A ಮತ್ತು antibody B ಕೂಡಾ ಇದೆ. AB ಯಲ್ಲಿ ಎರಡೂ antigen ಇದೆ. antibody ಯಾವ್ದೂ ಇಲ್ಲ.(ಕೆಳಗಿರಿರುವ ಚಾರ್ಟ್ ಗಮನಿಸಿ)

    RBC ಯಲ್ಲಿರುವ antigen ಮತ್ತು plasma ದಲ್ಲಿರುವ antibody ಒಂದೇ ಆದ್ರೆ , Antigen antibody reaction ಆಗುತ್ತದೆ.  Agglutination ಆಗಿಬಿಡುತ್ತದೆ. ನೋಡಿ ದೇವರ ಸೃಷ್ಟಿ ಹೇಗಿದೆ? ನನ್ನ ರಕ್ತ B +ve. ನನ್ನ RBC ಯಲ್ಲಿ antigen B ಇದೆ. ಪುಣ್ಯವೇನೆಂದರೆ plasma ದಲ್ಲಿ antibody B ಇಲ್ಲ, ಬದಲಾಗಿ  antobody A ಇದೆ. ಒಂದು ವೇಳೆ antibody B  ಇದ್ದಿದ್ದರೆ.......?        ಗಮನಿಸಬೇಕಾದ್ದೆಂದರೆ, ರಕ್ತದಾನ ಮಾಡುವಾಗ antigen antibody reaction ಆಗದಂತೆ ನೋಡಿಕೊಳ್ಳಬೇಕು.  ಇದನ್ನೆಲ್ಲಾ ಯೋಚಿಸಿದಾಗ ಕೆಳಗಿನ ಚಾರ್ಟ್ ದೊರೆಯಿತು. ಯಾರು ಯಾರಿಗೆ ರಕ್ತದಾನ ಮಾಡಬಹುದು ಎಂದು ಕ್ಲೀಯರ್ ಆಗಿ ಹೇಳುವಂತಿದೆ ಈ ಚಾರ್ಟ್.

     ಸರಿಯಾಗಿ  ಚಾರ್ಟ್ ನೋಡಿದರೆ ಒಂದು ಡೌಟ್ ಬಾರದೇ ಉಳಿಯದು. ಪಿಯು NCERT ಟೆಕ್ಸ್ಟ್ಬುಕ್ ಕೂಡಾ ಈ ನಿಮ್ಮ ಅನುಮಾನಗಳನ್ನು ಬಗೆಹರಿಸದು!  A blood group ನ ವ್ಯಕ್ತಿಗೆ , O blood group ನ ರಕ್ತ ಕೊಡಬಹುದೇ?? ಕೇಳಲೇ ಬೇಕಾದ ಪ್ರಶ್ನೆ. ಯಾಕಂದ್ರೆ O bloodಲ್ಲಿ (donor)  antibody A , B ಎರಡೂ ಕೂಡಾ ಇದೆ(2 antigen ಇಲ್ಲ). A bloodಲ್ಲಿ (recipient) antigen A ಇದ್ದರೆ, antibody B ಇದೆ. ಹಾಗಾದರೆ ಇಲ್ಲಿ antigen A ಮತ್ತು antibody A  ಯ ಮಧ್ಯೆ reaction ಆಗಿ agglutination ಆಗ್ಲಿಕಿಲ್ವಾ?

     ನೋಡಿ ಸ್ವಾಮಿ. ಮೇಲಿನ ಸಂದರ್ಭದಲ್ಲಿ antigen A ಬಂದದ್ದು donor ನಿಂದ. Antibody ಇರುವುದು  ಆತನ plasmaದಲ್ಲಿ ಅಲ್ವಾ? ರಕ್ತ ಮಿಕ್ಸ್ ಆದ ನಂತರ ಈ ಎಲ್ಲಾ antibody, recipientನ plasmaದಲ್ಲಿ ಬೆರೆತು ತುಂಬಾ dilute ಆಗುವುದು. ಹಾಗಾಗಿ ಹೆಚ್ಚು antigen antibody reaction ಆಗುವುದಿಲ್ಲ. 
  
     ಮತ್ತೊಂದು ಕೇಸ್ ನೋಡೋಣ. ಈಗ donor A, recipient B. 
A blood group - antigen A, antibody B
B blood group -  antigen B , antibody A
    Recipient ನಲ್ಲಿರುವ antibody A , donorನ antigen A ಒಟ್ಟಿಗೆ ಸೇರಿ agglutination ಆಗ್ತದೆ. donorನ antigenಇದೆಯಲ್ಲಾ? ಅದು  antibodyಯಷ್ಟು dilute ಆಗುವುದಿಲ್ಲ. ಯಾಕಂದ್ರೆ antibody plasma ದಲ್ಲಿದೆ. Plasma ಒಂದು ಲಿಕ್ವಿಡ್. ರಕ್ತ ಬೆರೆತರೆ ವೇಗವಾಗಿ ಹರಡುತ್ತಾ ಹೋಗುವುದು. ಆದರೆ antigen ಎಲ್ಲಿದೆ? RBCಯಲ್ಲಿ ಅಲ್ಲವೇ? ರಕ್ತ ಮಿಕ್ಸ್ ಆದ್ರೂ , antigen ಎಲ್ಲವೂ RBCಯಲ್ಲೆ concentrated ಆಗಿ ಇರಬೇಕು. ಆದರೆ ಸ್ವತ: RBCಯೇ  ಚಲಿಸುವುದರಿಂದ ಟೋಟಲ್ ಆಗಿ ಸ್ವಲ್ಪ ಪ್ರಮಾಣದಲ್ಲಿ antigen dilute ಆಗಬಹುದು. ಆದರೆ ಆದು negligible.

    ಒಟ್ಟಾಗಿ ಹೇಳಬೇಕೆಂದರೆ donorನ antigen , dilute ಆಗಿ ತನ್ನ ಪವರ್ ಕಳೆದುಕೊಳ್ಳುವುದು. ಆದರೆ, recipient ನ antibody ಯಾವಾಗಲೂ ಒಂದೇ concentrationನಲ್ಲಿ ಇರುತ್ತದೆ(donor ಕೊಡುದು ಸ್ವಲ್ಪ ಪ್ರಮಾಣದ ಬ್ಲಡ್ ಮಾತ್ರ). ಹೀಗಾಗಿ agglutination ಆಗುವುದು recipientನ antibody ಹಾಗೂ donor ನ antigen reactionನಿಂದ. 

     ಇನ್ನುಳಿದಂತೆ blood +ve / -ve ಹೇಗೆ ನೋಡುವುದು? Rh antigen ಅಂತ ಒಂದಿದೆ. ನಿಮ್ಮ ಊಹೆಯಂತೆ ಅದೂ ಕೂಡಾ RBCಯ surfaceನ ಮೇಲಿದೆ.  ನಿಮ್ಮ RBCಯಲ್ಲಿ Rh antigen ಇದ್ದರೆ ನೀವು +ve, ಇಲ್ಲವಾದರೆ -ve.
ಹೀಗೆ ವಿವರಿಸುತ್ತಾ ಹೋದರೆ , ಸಾಕಷ್ಟಿವೆ. ಇಷ್ಟು ಬೇಸಿಕ್ ಕಲಿತರೆ ಅವೆಲ್ಲವೂ  ನೀರು ಕುಡಿದಷ್ಟೇ ಸುಲಭ!
  
      " ನನಗೆ ರಕ್ತ ಕೊಡಿ, ನಾನು ನಿಮಗೆ ಸ್ವಾತಂತ್ರ್ಯ ಕೊಡುತ್ತೇನೆ" ಎಂಬ ಸುಭಾಷರ ನುಡಿಗಳು ಅಂದಿನ ಸಂದರ್ಭ ಹೇಗಿತ್ತು ಎಂಬುವುದನ್ನು ವಿವರಿಸುತ್ತದೆ. ರಕ್ತದ ಬಗೆಗಿನ ಈ ಮಾತು ಹೋರಾಟಗಳಲ್ಲಿ ಕ್ರಾಂತಿಯ ಕಿಡಿಯನ್ನೇ ಉರಿಸಿತ್ತು. ವರ್ತಮಾನದಲ್ಲಿ ನಿಮಗಂತೂ ಎಲ್ಲಾ ಸ್ವಾತಂತ್ರ್ಯವೂ ಇದೆ. ಅದನ್ನು ಬಳಸಿ ಒಂದಿಷ್ಟು ಬೇಸಿಕ್ ಕಲಿತರೆ, ನಮ್ಮದು ಹೋಗುವುದಾದರೂ ಏನಿದೆ ಅಲ್ವಾ?